Odatda banklar, to'lov tashkilotlari ustav kapitaliga minimal talabi qonunchilik talabi bilan doimiy oshib boradi. Misol uchun tijorat banklari ustav kapitaliga qo'yilgan minimal miqdor 2025-yil 1-yanvar sanasidan 500 mlrd so'm etib belgilangan. Odatda aksiyadorlik jamiyatlari fond birjalarida qo'shimcha aksiyalar chiqarish orqali ustav kapital miqdorini oshirishga harakat qilishadi. Sababi, jamiyatga tijorat faoliyati uchun pul kerak bo'lsa, nima uchun ushbu pulni fond birjasi orqali investorlardan olmasligi kerak? Kapitalni qo'shimcha aksiyalar orqali ko'paytirish - bu jamiyat uchun qo'shimcha moliyaviy mablag'larni jalb qilish usuli. Unda yangi aksiyalarni chiqarish va ularni birlamchi yoki ikkilamchi bozorda sotish orqali amalga oshiriladi. Misol uchun "Smart bank" AJ yagona aksiyadori qarori bilan har biri 1 000 so'mdan 150 mlrd dona aksiya chiqarish orqali ustav kapitalini qonunchilik minimal talabiga yetkazgan. Bu jarayon bankning moliyaviy barqarorligini oshirish, yangi investorlarni jalb qilish imkonini beradi. Biroq, ushbu qimmatli qog'ozlarni sotib olishga tayyor investorlar ham bo'lishi kerak. Yo'qsa, likvidlik muammolari kelib chiqishi mumkin.