Navoiy va Olmaliq KMK'lari, Uzbekistan Airways, “O‘zbektelekom” kabi 12 ta yirik davlat kompaniyasi aksiyalarini birlamchi (IPO) va ikkilamchi ommaviy taklifini (SPO) amalga oshirish jadvali prezident qarori bilan tasqidlandi. Prezident 21-aprel kuni qabul qilgan 145-sonli qarorida davlat ulushi mavjud yirik korxonalarni xalqaro bozorlarda xususiylashtirish keltirildi. Xususiylashtirish dasturining ikki yo'nalishdagi strategik maqsadlari quyidagicha: - Birinchidan, 29 ta yirik davlat ulushiga ega korxonalarning aksiyalar va ulushlarini nufuzli xalqaro ekspertlar va konsultantlar yordamida ommaviy savdo platformalarida sotishga chiqarish. - Ikkinchidan, 12 ta davlat ishtirokidagi muhim korxonalarning aksiyalar paketini xalqaro hamda mahalliy fond birjalarida birlamchi ommaviy taklif (IPO) va/yoki ikkilamchi ommaviy taklif (SPO) usullari orqali investorlarga taqdim etish. Mazkur prezident qarori bilan belgilangan xususiylashtirishning keng qamrovli dasturi asosida, 29 ta yirik korxonadagi davlat ulushlarini sotish ham rejaga kiritilgan. Ushbu ro'yxatda mamlakatning strategik ahamiyatga ega sanoat gigantlari, jumladan UzAuto Motors avtomobilsozlik kompaniyasi, Universal Mobile Systems telekommunikatsiya operatori, Uzbekistan GTL zavodi kabi ishlab chiqarish korxonalari bilan bir qatorda, Toshkent traktor zavodi, Texnopark kompleksi hamda bir nechta issiqlik elektr stansiyalari (IES) ham o'z aksiyalarini xususiy investorlar uchun taklif etadi.