Payme AJ ustav kapitalini oshirish uchun 10 mln dona aksiya chiqaradi. To'lov tashkiloti — Payme AJ aksiyadorlarining 20-maydagi qaroriga ko'ra ustav kapitalini oshirish uchun nominal qiymati 1 000 so'm bo'lgan 10 mln dona aksiya chiqaradi. Toshkent fond birjasiga ushbu aksiyalarni joylashtirish orqali kompaniya ustav kapitali 10 mlrd so‘mga oshishi kutilmoqda. Bu jarayon yakunlangandan so‘ng, Payme’ning ustav kapitali 20 mlrd so‘mga yetadi. Oldin, "Click" AJ to'lov tashkiloti ham fond birjasida 10 mln dona oddiy aksiya chiqarish orqali ustav kapitalini oshirishini xabar qilgan edik. To'lov tashkilotlari nima uchun bunday qilayotganligi sababi, ular o'zlarining ustav kapitalini qonunchilik talabiga yetkazishga tayyorlanishmoqda. Prezidentning 381-sonli qaroriga ko'ra; 2025-yil 1-iyuldan boshlab — to‘lov tashkilotlari uchun minimal ustav kapitali 20 mlrd so‘mni tashkil etishi shart.