Ma'lum narx darajalarida treyderlar ko'proq savdo bitimlari ochishga moyil bo'lishadi. Narxni qaytaruvchi muhim darajalar ichida 99 va 00 bilan tugaydigan raqamlar alohida ahamiyatli.

Misol, aktiv narxi 2 730 dan tushib kelganda, 2 700 narx oralig'ida narxda korreksiya (tuzatish) sodir bo'lishi mumkin. Agar narx pastdan 2 680 dollardan borayotgan bo'lsa, 2 699 narx darajasida korreksiya sodir bo'ladi.

Bozorda bitim ochuvchi treyderlar ham inson, ularning qarorlari psixologik omillarga bog'liq.

Bunga yorqin misol - Bitcoin narxi 100,000 dollarga yaqinlashganda, 99,900 dollar darajasidan keskin pasayish impulsi kuzatilgani. Chunki ko'pchilik investorlar aynan 100,000 dollar chegarasini kutishgan edi.

Investorlar ongida muhim ahamiyatga ega bo'lgan narx darajalari psixologik chegara vazifasini o'taydi. Yumaloq raqamlar (100, 1,000, 10,000) inson miyasi uchun tushunarliroq va esda qolarli bo'lib, aktiv narxini tahlil qilganda negadir aynan shu nuqtalarga yetishi kutiladi.

Bundan tashqari, tarixiy muhim voqealar yuz bergan narx darajalari keyinchalik investorlar ongida psixologik chegaraga aylanadi, chunki ushbu darajalarga yetish bozor ishtirokchilari uchun "g'alaba" yoki "mag'lubiyat" sifatida qabul qilinadi.

Amaliyotida balansingizdagi 990 dollar foydani 1,000 dollarga yetkazishga intilishingiz - miyamizdagi yaxlit raqamlar tizimiga bo'lgan tabiiy moyillik.

Bunday vaziyatlarda emotsiyalarni boshqarish nihoyatda muhim.