Kredit defolt svop - bu ikki shaxs o‘rtasidagi shartnoma bo‘lib, ulardan biri boshqasiga moliya instituti yoki moliyaviy vosita qulagan taqdirda zarar qoplanishini kafolatlaydi.

Bu sug‘urta shartnomasiga o‘xshaydi, lekin uni sug‘urta shartnomasi deb atash noto‘g‘ri. Chunki sug‘urta davlatning qat’iy imperativ qonunlari bilan tartibga solinadi.

Mashhur investor Maykl Berri 2008-yildagi jahon moliyaviy inqirozidan oldin, butun boshli ko‘chmas mulk bozori qulashi uchun kredit defolt svoplarini sotib oladi.

JP Morgan va reyting agentliklari ko‘chmas mulk bozorida defolt ehtimoli past ekanligini baholab, ipoteka kreditlari bilan hech qanday muammo yo‘qligini ta’kidlashsa ham, Maykl o‘z prognoziga ishonadi.

Umumiy hisobda Maykl Berri ko‘chmas mulk bozoriga qarshi 8.4 milliard dollarlik kredit defolt svoplarini sotib oladi. Ko‘chmas mulk bozori qulashi natijasida Maykl shaxsan 100 million dollar va investorlari uchun 725 million dollar ishlab topgan.