Inflatsiyaning bir necha turlari mavjud bo‘lib, ular gipper inflatsiya, yuguruvchi inflatsiya, yuruvchi inflatsiya va sudralib yuruvchi inflatsiyaga bo‘linadi. Bu nomlar fiat pulning qadrsizlanish darajasi asosan tushunishda oson bo‘lish uchun bunday nom berilgan. Sudralib yuruvchi inflyatsiya - inflyatsiyaning eng sekin sur’ati bo‘lib, narxlar odatda yiliga 3% dan kamroqqa oshadi. Bu odatda hukumat tomonidan nazorat qilish mumkin bo‘lgan va iqtisodiy o‘sish uchun foydali deb hisoblangan inflatsiya turi hisoblanadi. Yuruvchi inflatsiya - inflyatsiya darajasi nisbatan tezlashgan, lekin bir xonali raqamlarda qoladigan inflatsiya darajasi bo‘lib, odatda yiliga 3% dan 10% gacha inflatsiyaga ishora qiladi. Yuruvchi inflatsiya hukumatlar uchun tashvish uyg‘otadi va uning kuchayishiga yo‘l qo‘ymaslik uchun markaziy banklar aralashuv zarurligini bildiradi. Yuguruvchi inflyatsiya - yuqori inflyatsiya darajasiga ishora qiladi, ko‘pincha yiliga 10% dan oshadi. Narxlar sezilarli darajada oshadi va odamlar iste’mol tovarlari narxlarining oshganligini sezilarli his qilishadi. Giperinflyatsiya - eng yomon holat bo‘lib, narxlar nazoratdan chiqib ketadi va oyiga 50% yoki undan ham ko‘proqqa ko‘tariladigan inflatsiyani anglatadi. Pul tezda o‘z qiymatini yo‘qotadi va iqtisodiyot beqaror bo‘lib qoladi. Fiat valyutaning inflatsiyasi bu davlat iqtisodiyotining eng muhim indikatorlaridan biri hisoblanadi. Mamlakat valyutasidagi tebranishlarga qarab, uning iqtisodiyoti haqida qisman baho berish mumkin.