Davlat ulushi mavjud yurdik shaxs tashkil etishga 2030-yilgacha moratoriy joriy qilindi Bundan boshlab, Prezident qabul qilgan 70-son farmoniga muvofiq, 2030-yilga qadar (mudofaa va xavfsizlik bilan bog‘liq kompaniyalar bundan mustasno) davlat ishtiroki mavjud yuridik shaxs tashkil etish taqiqlanadi. Davlat ulushi mavjud korxonalar — aksiyadorlik jamiyatlari ustav kapitali qimmatli qog'oz ko‘rinishida aksiyadorlarga sotilib xususiylashtiriladi. Bu orqali xususiy sektor ulushini oshirish maqsad qilingan. Qarorda, davlat korxonalari soni 6 barobar kamaytirishi shuningdek, xususiy sektor ulushi 85 foizga yetkazilishi keltirilgan. Avvalroq, bozor va savdo majmualarda mahalliy hokimiyat ishtiroki bekor qilinganligini xabar qilgan edik. Ma’lumot uchun, davaktiv saytida e’lon qilgan xabarga ko‘ra, O‘zbekistondagi yagona fond birja — "Toshkent fond birjasi" AJ davlat ulushi 75 foizni tashkil etadi.