BRICS - Braziliya , Rossiya , Hindiston , Xitoy , Janubiy Afrika , Eron , Misr , Efiopiya va Birlashgan Arab Amirliklarini o‘z ichiga olgan hukumatlararo tashkilot. Ushbu davlatlarning umumiy yalpi ichki mahsuloti taxminan 30 trillion dollardan oshadi.

Bu ko‘rsatgich yangi davlatlar yaqinda BRICS ga qo‘shilganligi hisobiga Aqsh ning yalpi ichki mahsulotidan ko‘p bo‘lishi mumkin.

Biroq, barcha valyuta operatsiyalarining 89% ning bir tomonida Aqsh dollari ishtirok etadi. Aqsh dollari ushbu ko‘rsatgich bo‘yicha mutlaq dominant.

Britaniya funt sterlingi Aqsh dollaridan oldin zaxira valyutasi bo‘lib xizmat qilgan. Aqsh yalpi ichki mahsulot qiymati (GDP) bo‘yicha Buyuk Britaniyani 1916-yilda ortda qoldirgan bo‘lsa ham 1944-yilgacha Aqsh dollari zaxira valyuta bo‘lib, xizmat qilmagan.

Jahon urushlari ushbu jarayonni yanada tezlashtirib, bergan.

BRICS davlatlari o‘zlarining valyutalarini dollar o‘rniga zaxira valyutasi sifatida ko‘rishi albatta bir necha kunda bo‘lmaydi.

Balkim, siz BRICS davlatlari oltin zaxirasi ko‘p va ushbu zaxira kelajakda valyutalariga sug‘urta bo‘lib xizmat qilar deb o‘ylarsiz.

Barcha BRICS davlatlari oltin zaxiralari (yangi a’zolarni qo‘shib hisoblaganda) 6 600 tonnani tashkil qiladi.

AQSH o‘zida 8 133,4 tonnani tashkil qiladi va bu BRICS davlatlari zaxirasidan sezilarli darajada ko‘p.

Xulosa qiladigan bo'lsak, Aqsh dollari jahon zaxira valyutasi mavqeyi tushishi uchun uzoq vaqt kerak bo'ladi.