Amazon kompaniyasi Germaniyaga 2040-yilgacha Amazon internet xizmatlarini rivojlantirish uchun 7,8 milliard yevro (8,44 milliard dollar) sarmoya kiritmoqchi ekanligini e’lon qildi.

Amazon Web Services (AWS) bu dunyodagi eng keng qamrovli va keng tarqalgan bulutli texnologiya bo‘lib, butun dunyo bo‘ylab ma’lumotlar markazlaridan 200 dan ortiq to‘liq xususiyatli xizmatlarni taklif etadi.

Ushbu sarmoya keyingi 16-yilda bosqichma-bosqich bulutli xizmatlarni rivojlantirish uchun sarflanadi va bu Germaniyaning mahalliy korxonalarida har yili o‘rtacha 2800 ta ish o‘rinlarini vujudga keltirishi kutilmoqda.

Bu sarmoya orqali Amazon nafaqat Yevropadagi eng yirik iqtisod egasi bo‘lgan Germaniyada, balki butun Yevropada bulutli hisoblash bozoridagi o‘rnini mustahkamlaydi.

Amazon Yevropaning Cloud ma’lumotlarning maxfiyligi bo‘yicha qat’iy talablarga bo‘ysungan holda o‘ziga yangi mijozlar oqimini jalb qiladi. Bu orqali hozirda $1.9 trillion dollarga baholanayotgan kompaniyani yana uzoq vaqt texnologiyalar bozoridan yo‘qolib ketmasligini ta’minlaydi.

Shuningdek, Amazonning Germaniyada infratuzilma va ish joylariga sarmoya kiritish Amazonning jamoatchilik obro‘yini yaxshilashi mumkin.

Bu yangilik Germaniya uchun ham iqtisodiy o‘sish bo‘lib xizmat qiladi. Rejalashtirilayotgan $8.4 milliard dollarlik sarmoya Germaniya iqtisodiyotiga sezilarli moliyaviy hissa qo‘shadi.

Amazon endilikdagi Germaniya mavjud bo‘lgan kompaniyalar bilan ham raqobatlashuviga to‘g‘ri keladi. Raqabat bor joyda esa rivojlanish bo'ladi.