Aksiyadorlik jamiyatlari boshqaruv tizimi organlar iyerarxiyasi
Aksiyadorlik jamiyatlari boshqaruv tizimi organlar iyerarxiyasi
#fond bozorlari
5 daqiqa
23/02/25, 20:20
Ulashish:
Aksiyadorlik jamiyatlari boshqaruv tizimi organlar iyerarxiyasi bir necha tuzilmalardan iborat.
Zero, investitsiya kiritishdan oldin korporatsiyalar tarkibiy tuzilmalarini tushunish muhim.
O'zbekistonda aksiyadorlik jamiyatlari asosan quyidagi uch tuzilmadan iborat.
Kuzatuv kengashi - korporatsiya asosiy nazorat organi bo'lib, strategik qarorlarni qabul qiladi va ijro organi ustidan nazoratni amalga oshiradi.
Kompaniya direkori (CEO) tayinlash, yirik bitimlarni imzolash,filiallar ochish yoki yopish to'g'risida qaror qabul qilish uni vazifasi.
Ijro organi - kompaniyani kundalik boshqaradigan rahbarlar guruhi bo'lib, unga ijrochi direktor (CEO) boshchilik qiladi. Ijro organi korporatsiyada kundalik operatsion qarorlarni qabul qiladi va har kuni faoliyat olib boradi.
Misol uchun xodimlarni yollash, budjetni sarflash, kichik shartnomalar tuzish, (yirik shartnomalarga kuzatuv kengashi roziligi zarur) xom-ashyo va jihozlar xarid qilish kabi boshqa ishlar.
Kuzatuv kengashi aʼzolari yig'ilishi esa yiliga 4-6 marta chaqirilib, asosan ijro organi qanday ishlayotgani muhokama qilinadi.
Soddaroq qilib aytganda, kuzatuv kengashi "nima qilish kerak?" degan savol bilan shug'ullansa, ijro organi "qanday qilish kerak?" qabilida ish tutadi.
Ijro organi taktik qarorlar qabul qilsa, Kuzatuv kengashi strategik qarorlar orqali ijro organi ustidan nazoratni amalga oshiradi.
Aksiyadorlar umumiy yig'ilishi - korporatsiyaning eng oliy boshqaruv organi bo'lib, odatda eng muhim qarorlar qabul qilishda yilda kamida bir marotaba chaqiriladi.
Misol uchun korporatsiya o'tgan moliya yilida topgan foydasidan aksiyadorlarga dividend ajratish.
Nima keragi bor korporatsiyada bir necha boshqaruv organ tuzishni?
Bu tizim kompaniyalarda "checks and balances"ni (nazorat va muvozanat) yaratadi - ya'ni bitta odam yoki guruh haddan tashqari katta hokimiyatga ega bo'lib ketmaydi.