"Agat Credit" sof foydasini qariyb 82 foizga oshirdi, kredit portfeli 265,4 mlrd so‘mga yetdi
"Agat Credit" sof foydasini qariyb 82 foizga oshirdi, kredit portfeli 265,4 mlrd so‘mga yetdi
2 min
06/08/26, 17:21
Ulashish:
Mikromoliya bozori ishtirokchilaridan biri bo‘lgan Agat Credit 2026-yilning birinchi yarim yilligi yakunlari bo‘yicha moliyaviy natijalarini e'lon qildi. Hisobotga ko‘ra, kompaniyaning sof foydasi 3,5 mlrd so‘mni tashkil etdi.
Bu ko‘rsatkich 2025-yilning mos davriga nisbatan 81,9 foizga yuqori bo‘lib, kompaniyaning daromadliligi va operatsion samaradorligi oshayotganini ko‘rsatadi.
2026-yil iyun oyi yakunlariga ko‘ra, Agat Credit'ning kredit portfeli 265,4 mlrd so‘mga yetdi. Kredit portfelining o‘sishi kompaniyaning mikromoliyalashtirish bozoridagi faoliyatini kengaytirayotganini hamda mijozlar bazasi ortib borayotganini anglatadi.
Shu bilan birga, Agat Credit kapital bozorida ham faol ishtirok etmoqda. Kompaniya Toshkent fond birjasida joylashtirilgan umumiy qiymati 210 mlrd so‘mlik korporativ obligatsiyalar orqali jalb qilingan mablag‘lar bo‘yicha investorlar oldidagi kupon foizlarini o‘z vaqtida to‘lab kelmoqda. Bu esa emitentning qarz majburiyatlarini bajarish intizomi va investorlar bilan ishlashdagi ishonchliligini aks ettiradi.
Moliyaviy natijalarning yaxshilanishi hamda kredit portfelining o‘sishi Agat Credit'ning mikromoliya sektoridagi pozitsiyasini mustahkamlayotganini ko‘rsatmoqda. Kelgusida kompaniyaning kreditlash hajmi, rentabelligi va obligatsiyalar bo‘yicha majburiyatlarni bajarish dinamikasi investorlar tomonidan diqqat bilan kuzatilishi kutilmoqda.
O'xshash yangiliklar
1964-yildan buyon AQShning S&P 500 fond indeksi 10 084% ga o‘sdi. Shu davr mobaynida AQShdagi nominal ish haqi o‘sishi esa 1 196% atrofida bo‘lgan. Raqamlar uzoq muddatda aktivlarga egalik qilish va faqat mehnat daromadiga tayanish o‘rtasidagi katta tafovutni ko‘rsatadi.
S&P 500 60 yilda 10 000% dan ko‘proq o‘sdi: ish haqi esa ancha sekin oshgan
07/09/26