O‘zbekiston tovar-xom ashyo birjasi (UZEX) aksiyalarining ommaviy joylashtirilishi boshlanishiga bag‘ishlangan Roadshow taqdimoti bo‘lib o‘tdi
O‘zbekiston tovar-xom ashyo birjasi (UZEX) aksiyalarining ommaviy joylashtirilishi boshlanishiga bag‘ishlangan Roadshow taqdimoti bo‘lib o‘tdi
#tovarlar
5-daqiqa
27/09/24, 16:32
Ulashish:
’’Xalqchil IPO‘’ dasturi doirasida O‘zbekiston tovar-xom ashyo birjasi (UZEX) aksiyalarining ommaviy joylashtirilishi boshlanishiga bag‘ishlangan Roadshow taqdimoti bo‘lib o‘tdi va tadbir davomida ’’O‘zRTXB’’ SPO‘sining yakuniy parametrlari e’lon qilindi.
Tadbir 26-sentyabr kuni Toshkent shahrida Hyatt Regency mehmonxonasida bo‘lib o‘tdi.Unda O‘zbekiston moliya bozorining asosiy vakillari va ’’Xalqchil IPO‘’ dasturi tashkilotchilari ishtirok etishdi.
Taqdimotda ’’Davlat aktivlarini boshqarish agentligi’’ direktori Akmalxon Ortiqov, ’’Istiqbolli loyihalar milliy agentligi’’ direktorining birinchi o‘rinbosari Vyacheslav Pak, ’’KPMG‘’ investitsiyalar va kapital bozorlari bo‘limi direktor o‘rinbosari Madina Sarsekeyeva, ’’O‘zRTXB’’ AJ boshqaruv raisi Ziyovuddin Badriddinov, ’’KAPDEPO‘’ investitsiya kompaniyasi direktori Farrux Xodjayev, ’’E-Auksion’’ AJ direktori Sohib Murodov, ’’KAPDEPO‘’ kompaniyasi invest bankiri Muzaffar Roziqov spikerlik qildi.
Ma’ruzachilar ’’Xalqchil IPO‘’ dasturining huquqiy asoslari nimalardan iborat ekanligi, asosiy mohiyati,uning qanday ishlashi va tizimi,istiqbollari haqida so‘z yuritishdi, bitimlar bo‘yicha tanishtirishdi. ’’O‘zRTXB ’’ AJ faoliyati to‘g‘risidagi videorolik taqdim etildi.
Elektron auksion platformasi va ’’GoInvest’’ ilovasi orqali aksiyalarni sotib olish uchun masofaviy arizalar yuborish va hisob ochish tartibi va talablari tushuntirildi. Hozirda www.xalqchilipo.uz sayti orqali aksiyalarga ariza berish imkoniyati mavjud.