Besh yil oldin Nvidia-ning bozor bahosi 100 milliard dollar atrofida edi. 2024-yilga kelib esa dunyoning uchinchi eng qimmat kompaniyasiga aylanib, bozor qiymati 2,3 trillion dollarni tashkil etmoqda. Bundan tashqari, Nvidia aksiyalarining narxi 1000 dollarga yaqinlashayotganga o'xshaydi.

Bu Nvidia aksiyalarining naqd yigirma baravar o'sishini bitta omil bilan bog'lash mumkin - generativ sun'iy intellekt (AI) texnologiyasining portlashi.

Biroq, Nividia va AI sohasidagi keskin o'sish investorlar va tahlilchilarni bozor bumimi yoki yo'q deb taxmin qilishga va chip ishlab chiqaruvchi va boshqa texnologik gigantlar uchun yuqori baholarning barqarorligiga shubha qilishga undamoqda.

Nvidia aksiyalarining ko'payishi

Ko'pchilik uni video o'yinlar va renderlash uchun ishlatiladigan grafik protsessorlar (GPU) ishlab chiqaruvchisi sifatida bilishsa-da, Nvidia mahsulotlari aslida deyarli barcha zamonaviy texnologiyalarning ajralmas qismiga aylangan.

Misol uchun, kompaniya chiplari Tesla elektromobillarida o'zini-o'zi boshqarish funksiyasini quvvatlaydi. Shuningdek, deyarli barcha yirik texnologik korporatsiyalar tomonidan foydalaniladigan bulutli hisoblash xizmatlarining asosiy komponenti hisoblanadi.

Ushbu xizmatlar bizning kundalik onlayn faoliyatimizning ko'plab jihatlari uchun juda muhim. Masalan Netflix kabi platformalarda ko'ngilochar translatsiyadan tortib, turli ofis va samaradorlik ilovalaridan foydalanishgacha.

Ammo Nvidia-ning o'tgan yildagi keskin o'sishi uning sun'iy intellekt olamidagi roli bilan bog'liq.

ChatGPT va boshqa generativ AI mahsulotlari paydo bo'la boshlaganidan so’ng kompaniya chiplariga misli ko'rilmagan kuchli talab paydo bo’ldi.

Bu, asosan, GenAI platformalarining yuqori hisoblash talablari bilan bog'liq bo'lib, ular o'z operatsiyalari uchun kuchli GPU-larga tayanadi. Tahlilchilarning fikriga ko'ra, GPU bozorini taxminan 80% ulushga ega bo'lgan Nvidia ushbu bozorda asosiy o'yinchiga aylanib ulgurdi.

Nvidia-ning GPU-lariga bo'lgan talabning ortishi sotuvlarning sezilarli o'sishiga olib keldi. Shunday qilib, Nvidia aksiyalari narxi o'tgan yilga nisbatan 255% lik ta'sirchan o'sishga erishdi.

Nvidia davom etayotgan sun'iy intellekt portlashining yagona foyda oluvchisi emas.  Ammo investorlar va tahlilchilar AI tomonidan boshqariladigan ushbu o'sish bozorning yana bir pufakchasimi yoki Nvidia aksiyalari va boshqa asosiy o'yinchilar bu baholarni qancha vaqt ushlab turishi mumkinligi haqida savollar berishni boshladilar.

Ushbu masalani sharhlar ekan, Citi strateglari "bu kamdan-kam hollardan biri", deb hisoblashmoqda va 2024-yilni "1999-yilning takrori bo'lishi mumkin" deb qo'shimcha qilishdi.

Citi tahlilchisi Kristofer Denili, sun'iy intellekt pufakmi degan savolga javob berar ekan, "Ha... lekin bu 2025 yilgacha davom etishi mumkin", dedi.

"Bu pufakchalar bir yil yoki undan ko'proq davom etishi mumkin, xuddi 1999-yildagi texnologik pufak sodir bo'lgan voqeaga o'xshash", - deya qo'shimcha qildi u.

"Bu 1999-yilda ham sodir bo'lgan va u yomon yakunlangan bo'lsa-da (va bu ham yomon tugaydi), agar hisob-kitoblar tez sur'atlar bilan o'sishda davom etsa, narxlar bir yildan ortiq ko'pikli bo'lib qolishi mumkin."

Denili ta'kidlashicha, o’shanda ham narxlar 2000-yil oxirigacha buzilmagan.

Bank of America bosh investitsion strategi Maykl Xartnettning aytishicha, sun'iy intellekt va kriptovalyutalarga bo'lgan qizg'in ishtiyoq pufakchaning o'ziga xos belgilaridan biridir.

"Biz hozirda Fed tufayli eyforiyani ko'rmoqdamiz. Fed nima bo'lishidan qat'iy nazar stavkalarni pasaytirmoqchi va bozorlar oltin, kripto, qimmatli qog'ozlar va hatto obligatsiyalar bo'yicha harakat qilmoqda", dedi Xartnett Bloombergga bergan intervyusida.

Xartnettning ta'kidlashicha, kutilganidan yuqori inflyatsiya, o'sish sur'atlarining biroz pasayganligi va riskli aktivlarning barqarorligi "ko'pikli bozor holati alomatidir".

Ushbu maqola Citi tahlilchilarining fikrlariga asoslanib yozilgan! Ushbu maqola moliyaviy maslahat emas!