Hozirda dunyoning qaysidir burchagida iqtisodiy o’sish yaxshi ketayotgan bo’lsa, qayerdadir iqtisodiy tushish kuzatilmoqda. Lekin butun dunyoda iqtisodiy sekinlashuv tendensiyasini kuzatish mumkin. Albatta, bunga bitta omil sabab bo’la olmaydi. Siyosiy keskinliklar, yuqori foiz stavkalari, ekologik muammolar va saylov bunga sabab bo’lib turibti.

Umumjahon iqtisodiyoti esa bir-biriga chambarchas bog’liq. Bitta mamlakatdagi yomon holat qolganlarga ta’sir qilmay qolmaydi. Bugun tovar-xomashyo bozorlari yil boshidan buyon barcha o'sishlarni yo'qotdi. Bunday holatga esa Xitoy iqtisodidagi hozirgi keskin vaziyat sabab qilib ko’rsatildi. Umuman olganda, tovar bozorlarining zarar ko’rish ko’lami va bundagi Xitoyning o’rnini yaxshilab bilib olish zarur.

Xitoy dunyodagi eng yirik tovar iste'molchisi sifatida jahon tovarlari narxlarini shakllantirishda hal qiluvchi rol o'ynaydi. Uning o'tmishdagi barqaror iqtisodiy o'sishi tog'-kon sanoati, qishloq xo'jaligi va energetika kabi sohalarda talabning asosiy omili bo'lgan.

Oddiy misol, Tesla va Apple kabi yirik kompaniyalarning Xitoydagi sotuv hajmi pasaygani haqidagi yangiliklar doim ularning aksiyalarida keskin pasayishni yuzaga keltiradi. Ya’ni Xitoy iqtisodiyoti haqidagi salbiy prognozlar ham investorlarning kayfiyatiga ta'sir qilmay qolmaydi.

Ularning istiqbolga nisbatan ishonchlarini pasayishi tovarlar bilan bog'liq aktivlarda o'z egaliklarini kamaytirishlariga olib kelgan.

Yana bir salbiy xabar! Citi tahlilchilari Xitoyning 2024-yilda YaIM o‘sishi prognozini pasaytirgan birinchi yirik bank bo‘ldi. Xitoyda iqtisodiy salomatlik tiklanmasa, butun dunyoda kompaniyalari o’zlarining yirik daromadlaridan ayrilishi turgan gap!