Yaponiya banki 2008 - yildan buyon birinchi marta foiz stavkalarini oshirdi. Ammo BOJ stavkalarni 0 dan past holatda saqlab qolishini, bu orqali esa pul-kredit siyosatini qo’llab-quvvatlashini bildirdi. Ta’kidlash joizki, Yaponiya bankining pozitsiyasi inflyatsiyaga qarshi kurashda pul-kredit siyosatini kuchaytirayotgan boshqa ko'plab markaziy banklardan farq qiladi.

BOJning prognozlari oziq-ovqat narxlarining inflyatsiya darajasi 2024-moliya yilining oxiriga kelib 2,5 foizga, 2025 va 2026-moliya yillari uchun esa taxminan 2 foizga yetishini ko’rsatmoqda.

Shuningdek, Yaponiya banki 2026-yilning yanvar-mart choragida yapon davlat obligatsiyalarini oylik to'g'ridan-to'g'ri sotib olishni oyiga taxminan 3 trillion iyenaga (19,64 milliard dollar) kamaytirishini aytdi.

Qarordan so'ng, Nikkei 225 va Topix mos ravishda 0,28% va 0,51% ga oshdi. Yapon iyeni esa 152,72 gacha marjinal darajada mustahkamlandi.

Markaziy bankning ta'kidlashicha, ish haqini oshirish bo'yicha harakatlar nafaqat yirik firmalarda, balki kichikroq firmalarda ham kuzatilgan. Shuningdek, asosiy biznes investitsiyalari o'rtacha o'sish tendentsiyasida, korporativ foyda esa yaxshilanmoqda. Xususiy iste'mol narxlarning ko'tarilishi ham boshqa omillarga qaramay barqaror.

Yaponiya o’z iqtisodini rag’batlantirish uchun yumshoq qo’nishni amalga oshirganga o’xshaydi!