Amerikaning eng yirik kompaniyalari: Meta, Disney va Uber joriy hisobot mavsumida aktsiyalarini qaytarib sotib olish rejalarini e'lon qilishdi, deb yozadi Yahoo.

S&P 500 kompaniyalari fevral oyining birinchi haftasida o'zlarining 63 milliard dollarlik aksiyalarini qaytarib sotib oldilar.

Tahlilchilar bu qayta sotib olish faoliyatini kompaniyalarning daromadlari ortishi bilan bog'ladilar. Bu daromadlar ortib borishi bilan birga erkin pul oqimini keltirib chiqaradi va avval qarzni to'lash uchun ishlatiladi, keyin qolgan mablag'lar dividendlarni to'lash uchun sarflanadi. Shuningdek, kompaniyaga qayta investitsiya qilish uchun kapital xarajatlarni ko'paytiradi.

Aksiyalarni qaytarib sotib olish jamiyatga chiqarilgan aksiyalarning umumiy sonini kamaytiradi. Investorlarning kompaniyaga egalik huquqini va ularning har qanday potentsial dividendlardagi ulushini oshiradi. Ammo qiyin paytlarda dividendlar kamayishi mumkin.

Kompaniyalar qaytarib sotib olish jarayonini boshlaganliklari bu hozirda kuchliroq mavqega ega ekanligining belgisi sifatida qaralishi mumkin. Misol uchun, Uber o'zining ilk aksiyalarni qaytarib sotib olish rejasini ishga tushirishni kompaniyaning kuchli moliyaviy dinamikasiga ishonch sifatida ko'rayotganligini ta’kidlagan.